Tanınmış yazar Samir Sədaqətoğlu martın 22-si gecə saatlarında şəxsi "Facebook" səhifəsində aptekdə üzləşdiyi qanunsuzluqla bağlı status paylaşıb. Yazarın statusunu təqdim edirik:
"Anam xəstədir, lazım olan dərmanları almışıq. Bu resept, bu verilən çeklər. Eyni anda eyni resept üçün verilən üç çek: 1. 21.03.2017 11:33:19; 2.21.03.2017 11:36:58; 3. 22.03.2017 18:36. Amma hələ 22.03.2017 18:36 tarixinə ən azı 20 saat var. Digər 2 çekdə qeyd olunan vaxtdan isə təqribən 20 saat keçib. Üstəgəl, eyni adda dərman qutularının üstündə fərqli qiymətlər qeyd olunub. Eşq olsun Lənkəran şəhəri, Nizami küçəsində yerləşən, deyilənə görə sahibi HACI olan "Aptek Loğman"a! "Aptek Loğman" məni aldadır, bağışlamıram, canım əvəzi dövlətimiz bağışlayacaqmı? Bütün bunlar 22.03.2017 gecə saat 03.00 radələrində baş verir... İddialarımı sübut etmək üçün bu şəkillərdən əlavə digər faktlar var...”.
S. Sədaqətoğlu eyni zamanda bu faktları təsdiqləyən şəkillər paylaşıb. Paylaşılan statusdan və şəkillərdən vergidən yayınma halı açıq-aşkar görünür. Daha bir qanunsuzluq isə eyni adlı dərmanın fərqli qiymətlərlə satılmasıdır.