Xətai rayonu, 252 saylı uşaq bağçasında vəziyyət acınacaqlıdır, valideynlər oradakı şəraitsizlikdən uşaqlarını bağçaya aparmaqdan imtina edirlər. Bu barədə Avrasiya.net-ə valideynlərdən biri Tərlan Həsənov bildirib.

Onun sözlərinə görə, bağçada 4 qrup və hər bir qrupda 20-dək uşaq tərbiyə olunur:"Bağçanın yarısında qaçqınlar məskunlaşıb, antisanitariya baş alıb gedir, üstəlik bağçada istilik sistemi işləmir, otaqlar elektrik qızdırıcılarla isidilir, xətlər həddən artıq yüklənir, otaqların havası ağırlaşır, bu isə uşaqlara pis təsir edir, nəfəs almaq mümkün deyil".

Valideyn onu da bildirib ki, bağçanın müdirəsi iki dəfə rayon icra hjakimiyyətinə yazılı müraciət edib, amma hələ baxan yoxdur: "Bir sözlə, o bağça təhlükədə olduğundan uşaqlarımızı ora aparmaqdan ehtiyat edirik. Allah göstərməsin, yağın olsa heç kim oradan sağ çıxmayacaq".