Hərbi tapşırıqları yerinə yetirən zaman iki ayağını və bir qolunu itirən Orxan Vəlizadənin dövlət tərəfindən protezlə təmin edilməməsi sosial şəbəkədə etirazlara səbəb olub.

Bununla bağlı Orxanın əmisi Adil Vəliyev özünün sosial şəbəkədəki səhifəsində bildirib:

"Bu qazi mənim qardaşım oğlu Orxandır. O, 2018-ci ilin aprelin 3-də hərbi tapşırıqları yerinə yetirən zaman mərmi partlaması nəticəsində ağır xəsarətlər alıb. Hal-hazırda Müdafiə Nazirliyinin Baş Tibb Hospitalında müalicə alır. Ona protez taxılmalıdır. Amma ailə aldadılır. Belə ki, general mayor Natiq Əliyev və onun köməkçisi Firudinin bizə verdiyi məlumata görə Orxana protez alınması üçün büdcədə kifayət qədər pul yoxdur. Bundan əlavə onlar bizə "Hara istəyirsiniz gedin, şikayət edin" deyiblər. Müvafiq qurumlardan bizə kömək etməklərini rica edirəm".

\\big.az\\