Dünən Sumqayıtda qətlə yetirilən mağaza sahibi haqqında bəzi məlumatlar əldə olunub.

Mehdi Hüseynzadə adına stadionun yaxınlığında qeydə alınan hadisədə həyatını itirən Vüqar Quliyevin fotoları yayılıb.

Mərhumun inanclı dostları onun şəkillərini paylaşaraq təəssüf hissi ilə Vüqara Allahdan rəhmət diləyiblər. Onların sözlərinə görə, V.Quliyev dindar olmağı ilə yanaşı, müqəddəs torpaqları da ziyarət edib.

Məlumata görə, mərhumun bir qız və 1 oğlan övladı olub.

Xatırladaq ki, Vüqar Quliyev şəxsi meyvə-tərəvəz dükanında öz işçisi tərəfindən bıçaqlanıb. O, xəstəxanaya çatdırılsa da, həyatını xilas etmək mümkün olmayıb.

Hadisənin hansı səbəbdən baş verdiyi barədə heç bir məlumat verilməyib.

Minval.info