Yasamal rayonu, Mətbuat prospekti 24.a ünvanındakı binanın 2-ci blokundakı zirzəmidən bir həftədir ki isti su axır. Bina sakinləri “Qafqazinfo” ya bildirib ki, bu müddət ərzində bir neçə dəfə aidiyyatı qurumlara müraciət etsələr də heç kəs məsələni həll etmir. Qazanxana rəhbərliyi də eləcə baxıb gedib. Artıq pilləkəndə əyilmələr var. Üstəgəl də dövlətin isti suyu havaya axıb gedir”.
Azəristiliktəchizat ASC-nin Abonent və Müştəri Xidmətlərinin rəisi Rafiq Əliyev bildirib ki, təmsil etdiyi qurumun səlahiyyəti binanın girişinə qədərdir: “Binanın daxilində baş verən proseslərə isə artıq qanunvericiliyə əsasən bina mülkiyyətçisi cavabdehdir. Ancaq isti su bizim tərəfimizdən verildiyi üçün “Azəristiliktəchizat” axıntının, o cümlədən zirzəmiyə su dolmasının qarşısını almaq və abonentlərin soyuqda qalmaması üçün problemin həllinə çalışacaq”
