XalqXəbər.Az

www.XALQXEBER.az » Sosial » “Azəravtoyol” ASC vətəndaşları narazı salır - Sakinlər 1500 manatla razılaşmır

“Azəravtoyol” ASC vətəndaşları narazı salır - Sakinlər 1500 manatla razılaşmır

“Azəravtoyol” ASC vətəndaşları narazı salır - Sakinlər 1500 manatla razılaşmır
11-10-2017, 16:22

Nəsimi rayonu, Kövkəb Səfərəliyeva küçəsi 25 ünvanında yerləşən 5 mərtəbəli binanın söküləcəyi gözlənilir.

Binanın ilk 3 mərtəbəsi Bakı Dövlət Layihə İnstitutuna, 4 və 5-ci mərtəbəsi isə vaxtilə fəaliyyət göstərən "Tramvay-troleybus" idarəsinə məxsusdur. Hazırda 85 ailənin qanuni şəkildə yaşadığı binaya “Azəravtoyol” ASC tərəfindən sökülmə əmri verilib. Sakinlərə evlərinin hər kvadratmetri üçün 1500 manat pul təklif olunub. Lakin bəzi ailələr evlərinin kvadratmetri az olduğu üçün etirazlarını bildiriblər.
Problemin həlli istiqamətində addımların atılıb-atılmaması ilə bağlı “Azəravtoyol” ASC ilə əlaqə saxlanıldı. Qurumun ictimaiyyətlə əlaqələr sektorunun rəhbəri Anar Nəcəfli Metbuat.az-a açıqlamasında bildirdi ki, bu, onların səlahiyyətində olan məsələ deyil:

“Biz də bu ölkənin vətəndaşıyıq, onlar da. Onların vəziyyətini başa düşürük. Kompensasiyanın ödənilməsi səlahiyyətimizdə deyil. Problemin həlli istiqamətində qurumlarla birlikdə işlər görülür. Hazırda bir nəticə yoxdur”.

XalqXeber.Az

Materiallardan istifadə edərkən sayta mütləq istinad olunmalıdır. Bütün hüquqlar qorunur.