Aparıcı İlkin Həsəni ölkədə keçirilən növbədənkənar Parlament Seçkilərinə sərt reaksiya verib.

Aparıcı bu barədə sosial şəbəəkədəki şəxsi profilində yazıb. Bu dəfəki seçkilərdə fərqli proseslər görmədiyi üçün təəssüfləndiyini bildirib:

“Fikirləşdim ki, bu dəfə hər şey fərqli olacaq, əsl mübarizə görəcəm, şəffaflıq görəcəm. Amma nə gördüm? Müşahidəçini sürürüyən polisimi gördüm, bədəninin müxtəlif yerlərindən bülletenlər çıxaran müəlliməmi gördüm, adamın üzünə duran məntəqə sədrlərimi gördüm, topa bülletenlər atan babalarımı gördüm, rayon qeydiyyatı ilə Bakıda səs verən nənələrimi gördüm. Gələcəyimizi məhv edən hər bir saxtakarın üzünə tüpürüm!”