Rəqqasə Fatimə Fətəliyeva sosial şəbəkədə həyat yoldaşı ilə bağlı paylaşım edib. O, ailə üzvləri ilə birgə fotosunda kimliyini gizli saxladığı ərinə xoş sözlər yazıb.
Fatimə qeyd edib ki, güclü qadının arxasında mütləq onu sevən bir kişi olmalıdır. Rəqqasə hər zaman yanında olan həyat yoldaşına təşəkkürünü bildirib.
Maraqlıdır ki, digər məşhurların ənənəsini Fatimə də təkrarlayıb. Belə ki, o, ərinin üzünü ictimaiyyətdən gizlədib.
Bu da sosial şəbəkələrdə “Rəsmi həyat yoldaşınızdırsa, niyə üzünü gizlədirsiz?” sualını ortaya çıxarıb. İnstaqram istifadəçiləri Fətəliyevanın bu addımını qınayıb və onu tənqid edib.
Qeyd edək ki, bundan əvvəl isə müğənni Rəqsanə İsmayılova, Şəbnəm Tovuzlu da bu cür fotolar paylaşaraq sosial şəbəkələrdə qınaq obyektinə çevrilmişdilər.
Bu məqamda bildirək ki, Fatimə illər əvvəl ANS-in efirində şəxsi həyatı barədə danışmış, aparıcının rəsmi nikahla bağlı suallarını cavabsız qoymuşdu.
