SON DƏQİQƏ
XalqXeber.Az » Bölgə » İcra başçısının tutdurduğu qaçqının atası prezidentə yazdı

İcra başçısının tutdurduğu qaçqının atası prezidentə yazdı

Tarix:

15-05-2017, 09:23

/ 38 245 dəfə oxundu.
İcra başçısının tutdurduğu qaçqının atası prezidentə yazdı

Laçın rayonu, Şeylanlı kənd sakini Baxışov Baxış Aslan oğlu tərəfindən məktub daxil olub
Məcburi köçkün prezident İlham Əliyevə müraciətində məmur özbaşınalıqlarını ifşa edib.
Onun sözlərinə görə, Laçının icra başçısı Aqil Nəzərlinin sifarişi ilə oğlu Müqabil Baxışovun həbs olunduğu barədə dəfələrlə şikayət versə də, heç bir müsbət nəticə əldə olunmayıb.
“Dövlət əmlakına külli miqdarda ziyan vuran, prezidentin etimadını doğrultmayan, onun verdiyi göstərişlərin əksinə olub, camaata qarşı qolçomaqlılıq edən, dövlət məmuru barədə, rəhbərliyə məlumat verən şəxslər icra başçısının göstərişi ilə şərlənib həbs olunurlarsa, və baş prokrorluq bu şəxslərin cinayətkar olub-olmamasını arasdırmamış onların cinayətkar olmasını təsdiq edirsə, deməli bu sifarişçilərin arxasında duran şəxs elə bir şəxsdir ki, nə baş prokuror, nə də ki başqa nazirliklər ona “dur” demək iqtidarında deyilr. Belə çıxır ki biz zavallılara zülm edib, hökumətdən narazı salan da, elə hakimiyyətə yaxın mərtəbələrdə əyləşib”,- deyə B.Baxışov qeyd edib.
Gələn məktubda deyilir ki, tək ümid yeri prezidentdir və oğlunun azadlığa çıxması üçün dövlət rəhbərindən yardım gözləyir.
“Aqil Nəzərlinin yaxın qohumları, oğlunun şərlənməsi və üzünə dirənmək üçün pul təklif etdiyi şəxslərin dindirilməsi barədə həm yazılı, həmdə mətbuat vasitəsi ilə xahiş etsəm də, həmin şəxslər bu günə qədər dindirilməyib. Əksinə olaraq həmin şəxslər dövlət məmurları tərəfindən sıxışdırılır və təzyiqlərə məruz qalırlar.
Odur ki, oğlumun günahsız həbs olunması üçün, onun üzünə dirənmələri üçün pul təklif olunan şəxslərin dindirilmələrində bizə köməkdarlıq etməyinizi sizdən xahiş edirəm. Əks təqdirdə oğlumun həbsdən azad olması üçün Aqil Nəzərlidən üzr istəməli olacağam”.

Şərhlər

XƏBƏR LENTİ