Xaçmaz Rayon Polis Şöbəsində tariximizin qanlı səhifələrindən olan Xocalı soyqırımı qurbanlarının anım mərasimi keçirilib. Tədbirin əvvəlində soyqırım qurbanlarının əziz xatirələri bir dəqiqəlik sükutla yad edilib.
Rayon İcra Hakimiyyətinin, Təhsil şöbəsinin və ictimaiyyət nümayəndələrinin iştirak etdiyi mərasimdə RPŞ-nin rəisi, polis polkovnik-leytenantı Həmid Həsənov çıxış edərək, keçən əsrin sonlarında ən dəhşətli üsullarla törədilmiş faciələrdən biri kimi tarixə düşən Xocalı faciəsi barədə danışıb. H.Həsənov onu da bildirib ki, Ermənistanın işğalçılıq siyasəti, Xocalı soyqırımı barədə həqiqətlərin dünya ictimaiyyətinə çatdırılması, Xocalı faciəsinə siyasi-hüququ qiymət verilməsi ümummilli lider Heydər Əliyevin adı ilə bağlıdır və bu gün dünya ictimaiyyəti Xocalı faciəsini yad edərək Azərbaycanla həmrəy olduğunu bildirir, mənfur ermənilərin törətdikləri bədnam əməllərini pisləyirlər.
Tədbirinin sonunda Şabran teatrının aktyorları tərəfindən anım mərasiminin iştirakçılarına Xocalı faciəsinə həsr olunmuş səhnəciklər nümayiş etdirilib və şeirlər səsləndirilib.