Laçın rayon İcra Hakimiyyətinin başçısı Aqil Nəzərovla bağlı son günlər şikayətlərin ardı-arası kəsilmir.

Hətta ötən ilin dekabrında Laçın rayonundan olan bir qrup sakin Aqil Nəzərova etiraz olaraq Prezident Administrasiyasının qarşısına toplaşıb. Onlar icra başçısının vətəndaşlara qarşı olan laqeyd münasibətinə öz etirazlarını bildiriblər.

Cebhe.info-ya daxil olan məlumata görə, Aqil Nəzərov yaxın günlərdə tutduğu postdan uzaqlaşdırılacaq. Mənbənin sözlərinə görə, artıq İcra Hakimiyyətində də bu məsələ danışılır. Qısa zamanda Aqil Nəzərovla bağlı son qərarın veriləcəyi gözlənilir.

Qeyd edək ki, Prezident Administrasiyasına ən çox şikayət olunan icra hakimiyyətləri arasında Laçın rayonunun da adı var.