Tovuz rayon sakini Məmmədov Qoca Fərman oğlu DİA.AZ-a yazdığı müraciətində artıq iki ilə yaxındır ki, baş vermiş bir cinayətin hələ də açığa çıxarılmamasından giley edir. Naraz vətəndaş yazır:

"Sizi Tovuz rayon sakini və hər iki valideyinini(1945-ci il təvəllüdlü atam Məmmədov Fərman Qoca oğlu və 1950-ci il təvəllüdlü anam Mirzəyevə Pakizə Şəmşəd qızı) itirmiş övlad olaraq yazıram. 24 fevral 2018-ci ildə böyük faciə baş vermiş, ailəmizə qarşı terror aktı törədilmişdir.

Belə ki, həmin tarixdə cinayətkarlar səhərə yaxın evimizə daxil olmuş, valideynlərimin bütün bədən üzvlərini plastik sarğı ilə sarıyaraq yandırmışlar. Ancaq ilkin araşdırmalar göstərdi ki, onlar yanğının deyil, əvvəlcədən planlaşdırılmış terror aktının qurbanı olmuşlar.

Evimizdən anama məxsus qızıl əşyalarının götürülməməsi, gözlə görülən bir yerdə olmasına baxmayaraq, bir daha sübut edir ki, bu oğurluq məqsədi ilə törədilmiş qətl hadisəsi deyil. Sizlərdən bu məsələ ilə bağlı hüquq mühafizə orqanlarının hərəkət(hərəkətsizliyi) barədə saytınızda ışıqlandırılmasını xahış edirəm".

Mövzu diqqətimizdədir.