Redaksiyamza müraciət edən Ağstafa sakinləri rayon mərkəzi xəstəxanasındak özbaşınalqlardan giley edirlər.

GUNDEMİNFO.AZ-a daxil olan müraciətdə bildirilir ki, Azərbaycan səhiyyəsi Ağstafada rəsmən biabırçı formada təzahür etməkdədir: "Buna səbəbsə bəzi həkim adına yaraşmayan şəxslərin daha çox öz tamahlarına yenilməsidir".

Narazı vətəndaşlar yazrlar:

"Ağstafa Rayon Mərkəzi Xəstəxanasının uşaq xəstəlikləri şöbəsinin müdiri İradə Batıyeva isə bu yöndə əməlli-başlı ad çıxarıb və rəsmən bazar açıb. Belə ki, İradə xanm xəstə uşaqların təkrar tibbi sosial ekspert komissiyasından keçmələri üçün göndərilən sənədə görə hər bir xəstədən 1000-1500 arası rüşvət tələb edir. Bununla bağlı hansı quruma müraciət etsək də, şikayətlərimizə baxan yoxdur".

Saytımıza daxil olan məlumata əsasən ötən həftə rayonun baş həkimi təcili olaraq Bakıya çağrılıb. Məlumata əsasən rayon Mərkəzi Xəstəxanasından son zamanlar artan şikayətlər, həmçinində kadrlar və inventar idarəetməsi ilə bağlı ciddi narazılıqlar olub. Yaxın günlərdə isə Maliyyə Nazirlıiyinin xəstəxanada audit yoxlaması aparacağı gözlənilir.

İddia olunanlarla bağlı bütün tərəfləri dinləməyə hazırıq...