Salyan rayonunda xidmət aparan YPX əməkdaşları, yolda düzgün quraşdırılmayan nişandan sui-istifadə edərək sürücülərə qanunsuz protokol tərtib edir.
Avtosfer.az xəbər verir ki, yolda dayanma və durmanı qadağan edən 3.27 nişanı, həmin nişanın altında isə obyektə qədər 300 metri bildirən 7.1.1 lövhəciyi quraşdırılıb.
Quraşdırılan bu nişan onu bildirir ki, nişan 300 metrdən sonra qüvvəyə minəcək. Lakin, həmin ərazidə xidmət aparan YPX əməkdaşları, 300 metrə kimi dayanan (nişanın qüvvəyə minmədiyi ərazidə dayanan) sürücüləri məsuliyyətə cəlb edir. Bu isə qanunsuzdur.
Nişanın bu cür quraşdırılıması da qanuna uyğun deyil.