Hazırda Qazax rayonu icra hakimiyyətinin başçısı postunu tutan və zamanında Vergi Ödəyiciləri Departamentinin rəisi olmuş Rəcəb Babaşov da sabiq Vergilər Naziri Fazil Məmmədovun yaxın adamı kimi hədəfə çevrilib. Bu barədə bilgili qaynaqlardan informasiya verilib.

Xəbəri verən mənbənin söylədikləri: "Doğrudur, Rəcəb Babaşovun Dəmiryolu idarəsinin rəisi Cavid Qurbanovla da sıx əlaqələri var və elə hazırda da Cavid Qurbanova sığınıb. Amma istənilən halda uzun müddət Fazil Məmmədovun himayəsində olmuş və onun hesabına böyük sərvət qazanmış Bababşovun sabiq nazirlə dostluğu da diqqətdən kənarda deyil. Elə bu yaxınlarda Babaşov Qazaxdan Fazil Məmmədovun adına bir neçə "Gəncə səbəti" də yollayıb. Heç nə nəzərdən yayınmır və bütün bu faktlar nəhayətdə Babaşovu hədəfə çevirməkdədir".

Mənbə açıqlamasında iddia edir ki, yaxın vaxtlarda Babaşovla bağlı qərar veriləcək.

DİA.AZ