Tərtərdə məskunlaşan bir neçə məcburi köçkün ailəsi prezident İlham Əliyevin rayona səfəri ərəfəsində yolu bağlamaq niyyətindədirlər.

Rayondan verilən məlumata görə narazılıq məcburi köçkünlər üçün yeni salnmış qəsəbədə ev bölgüsü zamanı olan qanunsuzluqlardır. Xəbər verilir ki, həm Ağdam , həm yerli Tərtər icra hakimiyyəti işçilərinin mənzil verilməsi zamanı müdaxilələri vətəndaşları hiddətləndirib.Bu səbəbdən 15-dən Ağdamdan olan məcburi köçkün ailəsi ev almaqdan imtina edərək: ” Ya qanunda nəzərdə tutulduğunu verin, ya da lazım deyil” deyərək həmin mənzillərdən imtina ediblər.

Bu barədə prezidentə teleqram vurublar. Sabah isə prezidentin Tərtərə gəlişi gözlənilir. Narazı ailələr yolu kəsərək diqqət çəkməyi planlaşdırıblar. Onlar yerli icra strukturlarından birbaşa prezidentə şikayət etmək niyyətindədirlər.

Realmedia.az