XalqXəbər.Az

XalqXeber.Az » Bölgə » Ağdaşda xəstələrdən pulu belə yığırlar

Ağdaşda xəstələrdən pulu belə yığırlar

Ağdaşda xəstələrdən pulu belə yığırlar
9-02-2017, 23:37

Ağdaş Mərkəzi rayon Xəstəxanasında biabırçı olay yaşanıb. Yerli tibb işçiləri diabet xəstələrindən pul tələb ediblər.

Bu barədə Ağdaş rayon sakinləri bölgə müxbirimizə məlumat verib.

Məlumata görə, rayon xəstəxanasına gələn şəxslərdən tibb bacıları aparat haqqı tələb edir. Növbəti belə hadisə isə rayon sakini 60 yaşlı Musayeva Tamara Rza qızının başına gəlib. Tibb bacılarının şəxsdən aparat pulu istəməsi anbaan çəkilib.

Məsələ ilə əlaqədar Səhiyyə Nazirliyinin mətbuat xidmətinin rəhbəri Liya Bayramova hadisədən xəbərsiz olduqlarını deyib. O qeyd edib ki, hadisənin təfərrüatları ilə tanış olduqdan sonra suallar cavablandırılacaq.

L.Bayramova qeyd edib ki, 9103 “Qaynar Xətti”nə xəstələrdən şikayət daxil olmalıdır ki, məsələ araşdırılsın:

“Videokadra düşən həkim, tibb bacısının məsuliyyətə cəlb edilib- edilməyəcəyi ilə bağlı öncədən heç bir açıqlama verə bilmərik. Bu vaxtadək bizim təcrübəmizdə çox az belə arzuolunmaz hal müşahidə edilib”. Məsələ ilə əlaqədar əməkdaşımız Ağdaş rayon Mərkəzi Xəstəxanası ilə də əlaqə saxlayıb. Xəstəxandan bildirilib ki, müdriyyət məzuniyyətdədir və suallar ancaq rəhbərlik işə qayıtdıqdan sonra cavablandırıla bilər.

P.S. Xüsusilə qeyd edək ki, xəstəxana ilə bağlı yayımlanan video "Youtube" sosial şəbəkəsindən yayımdan qaldırılmışdır.

XalqXeber.Az

Materiallardan istifadə edərkən sayta mütləq istinad olunmalıdır. Bütün hüquqlar qorunur.