ƏƏSMN-də şikayətçi məktublarını qəbul edib, müvafiq struktur rəhbərlərinə yönəldən qurum ilə bağlı yaranan bu qənaətdə özləri də bilavasitə günahkardırlar.
Azərbaycan dünyəvi Qanunlarla idarə edilən məmləkətdir. Bu ölkədə “möhür kimdədirsə, Süleymanda odur” prinsipi işləmir. Ən azı buna Azərbaycanın, hər bir azərbaycanlının Prezidenti cənab İlham Əliyev imkan verməz. Bəs elə isə nədən bəzi dövlət strukturlarında cənab Prezidentin imzaladığı Qanunların pozulması halları baş verir? Sual olunur, bir ölkənin Qanunu pozularkən dövlət zərər görər, yoxsa ölkə Qanunlarını öz arzusuna uyğun yorumlayan hansısa sıradan bir dövlət görəvlisi zamanında cəzalandırılarkən? Əlbəttə ki, birinci halın baş verməsi hətta dövlətin çöküşünə belə səbəb olar. Bu isə bəşəri cinayətdir. Çünki dövlət onu quran dahilərin, uğrunda can verən şəhidlərin şah əsəridir.
Xatırladaq ki, media aktiv ictimai nəzarət institutudur. Təsadüfi deyil ki, ölkə Prezidenti cənab İlham Əliyev dəfələrlə jurnalistləri özünün köməkçiləri elan edib. İyulun 20-də jurnalistlər üçün tikilmiş növbəti binada, Milli Mətbuat Günü münasibətilə mənzillərin paylanması mərasimində çıxış edən cənab Prezident: "Dövlət məmurları, yaxud digər şəxslər, qüsurlara yol verən şəxslər bilirlər ki, Azərbaycanda söz və mətbuat azadlığı imkan verməyəcək ki, onlar işdə hansısa qüsurlar buraxsınlar. Ona görə jurnalistlər bəlkə də özləri də bilmədən mənim köməkçilərimdir. Buna görə də mən sizə minnətdaram. Əminəm ki, siz gələcəkdə də bütün cəmiyyəti narahat edən, incidən məsələlər haqqında yazacaqsınız, harada hansı ədalətsizlik var, qanunsuzluq var, dərhal operativ reaksiya verəcəksiniz, cəmiyyətin və dövlət orqanlarının diqqətini bu məsələlərə cəlb edəcəksiniz", - deyə vurğuladı.Əsas hədəfimz məhz cənab Prezidentin söylədiyi kimi cəmiyyəti narahat edən, vətəndaşı incidən məmurlar haqqında operativ reaksiya verib, məlumatlar dərc edəcək, dövlət orqanlarının, ictimaiyyətin diqqətini həmin məsələyə cəlb etməkdir. Lakin bəzi hallarda redaksiyaya daxil olan məlumatlarla bağlı dərc etdiyimz yazıları ayrı – ayrı dövlət qurumları görməməzlikdən gəlirlər. Əslində bu vəziyyət mətbuatın ictimai nəzarət funksiyasına süni əngəldən başqa bir şey deyil. Əmək və Əhalinin Sosial Müdafiəsi nazirlyinin subyekti olan Dövlət Sosial Müdafiə Fondunun İmişli rayon şöbəsində baş verən hadisələrlə bağlı dərc etdiyimiz məlumatların sonunda: “Redaksiyadan: Məlumatda adı çəkliən qurum və ya şəxslərində cavab haqlarını tanıyırıq, münasibətlərini dərc etməyə hazırıq.” - cümləsini yazmaqla, mövcud dövlət qurumunun rəhbərliyinə haqlarında səslənən vətəndaş iradlarına cavab vermə imkanı verilsə də, adamlar bu şansdan istifadə etməməkdə sanki qərarlıdırlar.
Əslində biz media qurluşu olaraq bu yanaşmadan qətiyyən narahat deyilik. Əvvəla ona görə ki, Qanunla üstümüzə vəzifə olanı vicdanla yerinə yetiririk. Eyni zamanda obyektivliyimizi qoruyuruq. Lakin məsələyə ƏƏSMN səviyyəsində münasibət bildirilməmsi sual doğurur. Son günlər redaksiyaya edilən oxucu zənglərində isə bizdə sual yaradan məsələ şikayətçilərin narahatlığına səbəb olur. Əsas sual isə budur: “bəlkə nazirliyin müvafiq şöbəsi İmişli DSMF-nin müdiri İntiqam Əliyev və onun rəhbərlik etdiyi qurumda çalışan bəzi görəvlilərin əməlləri ilə bağlı şikayəti cənab nazirə çatdırmırlar?” Əslində ƏƏSMN-də şikayətçi məktublarını qəbul edib, müvafiq struktur rəhbərlərinə yönəldən qurum ilə bağlı yaranan bu qənaətdə özləri də bilavasitə günahkardırlar. Media, o cümlədən dərc edilən əksər məlumatlar bilavasitə şikayətçilərin öz səsləri ilə ifadə etdikləridir. İmişli DSMF-dəki mənbənin verdiyi məlumata görə İntiqam Əliyev Fondun Novruz Hüseynov adlı şöbə müdiri ilə rəhbərlik etdiyi qurumdakı neqativ hallarla bağlı dərc etdiyimiz məlumatları oxuyarkən, təbəssüm edərək bizi nəticəsiz işlə məşğul olmaqda qınayır.
Eyni zamanda haqqımızda özünəməxsus düşüncələri ifadə edir. Xatırladaq ki, media tərəf deyil. Biz cənab Prezidentin təbirincə desək bəzi məmurların, yaxud digər qüsurlara yol verən şəxslərin neqativ hərəkətlərini ictimailəşdirən media qurluşuyuq. Biz cənab Prezidentin köməkçisiyik. Qaldı ki, İmişli DSMF-nin müdiri İntiqam Əliyevin haqqımızdakı şəxsi düşüncələrinə, İntqam Əliyevin diqqətinə çatdırırıq ki, ədalət prinsipi tərəfimizdən pozulmadığı üçün onun şəxsi düşüncələrinin bizə hər hansı aidiyyatyı yoxdur. Lakin İnitqam Əliyevin ədalət prinsipini pozmasını isə Ağdam rayonundan məcburi köşkün olan II qrup əlil Yaqub Orucov, yazıçı – jurnalist, II qrup əlil Məryəm Şahverdiyeva və başqaları idida edirlər. Məhz məsələyə bu aspektdən yanaşanda isə İnitqam Əliyevə haqqımızda düşündüklərinin düz iki misli düşür. Və bu düşüncələr yalnız bir media orqanında çalışan kollektivin deyil, onun idarəçilik metodundan narazı olan İmişli sakinlərinindir, Ağdam rayonundan məcburi köçkun, İmişli rayon Bəciravan kəndində məskunlaşmış, II qrup əlil Yaqub Orucovundur, mediaya çıxış imkanı olmayanlarındır. Və nədən iki misli? Həzrəti Əli (ə) deyirdi: Haqqımda nə düşünürsənsə Tanrı sənə iki mislini versin. Biz Əlidən (ə) ədalətli deyilik.
Mövzuya qayıdacağıq.
Məlumatda adı çəkilən qurum və ya şəxslərin də münasibətlərini dərc etməyə hazırıq.
Conflict.az
