XalqXəbər.Az

XalqXeber.Az » Siyasət » "Postkonflikt dövründən bütün region ölkələri faydalanmalıdır" - Ceyhun Bayramov

"Postkonflikt dövründən bütün region ölkələri faydalanmalıdır" - Ceyhun Bayramov

"Postkonflikt dövründən bütün region ölkələri faydalanmalıdır" - Ceyhun Bayramov
10-03-2021, 14:49

"Hesab edirik ki, 44 günlük Vətən müharibəsinin nəticəsi olaraq regionda yeni təhlükəsizlik formatı və yeni imkanlar yaranıb. 10 noyabr 2020-ci il, eyni zamanda, 11 yanvar 2021-ci il tarixli üçtərəfli bəyanatlar bir tərəfdən 30 ilə yaxın davam edən hərbi təcavüzə və işğala son qoyub, digər tərəfdən regionun inkişafı baxımından yeni imkanlar yaradıb”.

Bunu Azərbaycan xarici işlər naziri Ceyhun Bayramov Macarıstanın xarici işlər və ticarət naziri Peter Siyarto ilə birgə keçirdiyi mətbuat konfransında deyib.

“Azərbaycan Respublikası hər zaman beynəlxalq hüququn norma və prinsiplərinə, ölkələrin suverenliyi, ərazi bütövlüyü və sərhədlərin toxununulmazlığı prinsipi əsasında inkişaf, qarşılıqlı münasibətlərin formalaşması, birgəyaşayışı dəstəkləyib. Bizim bu istiqamətdə baxışımız olduğu kimi qalır. Azərbaycan öz ərazi bütövlüyünü bərpa edib. Azərbaycan sərhədləri bərpa olunub və Azərbaycan hazırkı vəziyyətə postkonflikt dövrü olaraq yanaşır. Hesab edirik ki, bu vəziyyətdən bütün region ölkələri faydalanmalıdır”, - o vurğulayıb.

[xfvalue_elave] XalqXeber.Az

Materiallardan istifadə edərkən sayta mütləq istinad olunmalıdır. Bütün hüquqlar qorunur.