XalqXəbər.Az

www.XALQXEBER.az » Siyasət » Prezidentin köməkçisi: Sarkisyan görüşdən sonra ağlına gələni deyir

Prezidentin köməkçisi: Sarkisyan görüşdən sonra ağlına gələni deyir

Prezidentin köməkçisi: Sarkisyan görüşdən sonra ağlına gələni deyir
23-10-2017, 15:48

Ermənistan prezidenti Serj Sarkisyan Azərbaycan prezidenti İlham Əliyevlə son görüşdən sonra səsləndiriləcək bəyanatla razılaşdı, ancaq görüşdən sonra ağlına gələni deyir.

Bunu Azərbaycan Prezidentinin Xarici siyasət məsələləri üzrə köməkçisi - şöbə müdiri Novruz Məmmədov deyib.

N.Məmmədov bildirib ki, S.Sarkisyan tamamilə görüşün ruhuna uyğun olmayan fikirlər səsləndirib: “Azərbaycan prezidenti, digər dövlət rəsmiləri Ermənistanın dövlət başçısına cavab verdi. Sarkisyan həmsədrlərin qarşısında söz vermişdi ki, görüşdən sonra konkret fikirlərin dünya ictimaiyyətinə çatdırılmasına razıdır, amma görüşdən çıxandan sonra riyakarlıq edir, başqa cür danışır. Əgər Ermənistan prezidenti bununla razı deyildisə, görüşdə bunu bildirə bilərdi, deyərdi ki, ürəyinə, ağlına nə gəlirsə, görüşdən sonra bildirəcək. Bu halda ona xalqının inamı necə olacaq? O, xalqının inkişafını, rifahını necə təmin edə biləcək? Həmsədrlər əvvəlcə söz verib, sonra başqa addım atan prezident barədə nə düşünürlər?! Əgər dövlət başçısı kimi statusun varsa, belə riyakarlıq etmək, yalan danışmaq olmaz. Danışdı, cavabını da aldı".

Azərbaycan prezidentinin köməkçisi vurğulayıb ki, Ermənistan xalqı məhz bu cür rəhbərlərin sayəsində ağır duruma düşüb: "Ermənilər ölkələrini tərk edirlər. Bu gün Ermənistanda cəmi 2,5 milyon insan yaşayır. Proqnozlara görə, vəziyyət bu cür davam edərsə, 20 ildən sonra da ölkə əhalisinin sayı 2,5 milyon nəfəri keçməyəcək. Amma Azərbaycan müstəqillik qazandıqdan indiyə qədər əhalisi 3 milyon nəfərə qədər artıb. Bu, fərqi, inkişafı göstərir".

XalqXeber.Az

Materiallardan istifadə edərkən sayta mütləq istinad olunmalıdır. Bütün hüquqlar qorunur.