Aprelin 18-də Qazax şəhərində ağır yol-nəqliyyat hadisəsi baş verib.

Bu barədə qəza zamanı həlak olan şəxsin yaxınları məlumat verib. O, qəzanı törədən şəxsin N saylı hərbi hissənin bölük komandiri, leytenant Atamoğlu Cəfərsoy olduğunu, avtomobili isə içkili vəziyyətdə idarə etdiyini iddia edib. Yüksək sürətlə hərəkət edən maşın şlanqbanın üstündən aşaraq yol kənarında dayanmış avtomobilin üzərinə düşüb. Nəticədə maşında olan 22 yaşlı 2 uşaq anası Səadət Hüseynova hadisə yerindəcə ölüb, qucağındakı körpə travma alıb, qayınanası Rəna Xasməmmədova isə ağır yaralanıb.

Həmin müddətdə S. Hüseynovanın həyat yoldaşı Elvin İsmayılov və 3 yaşlı oğlu mağazada olub. Hazırda həm körpənin, həm də Rəna Xasməmmədovanın vəziyyəti orta-ağırdır.

Mərhumun atası Akif Hüseynov şikayətçi olsa da, hadisəni törətməkdə təqsirkar bilinən A. Cəfərov sərbəst buraxılıb.

Sözügedən qəzanın videosunu təqdim edir:


qafqazinfo.az