SON DƏQİQƏ
XalqXeber.Az » Hadisə » Nazirliyin şöbə rəisi arvadını bıçaqladı

Nazirliyin şöbə rəisi arvadını bıçaqladı

Tarix:

5-05-2017, 17:42

/ 76 945 dəfə oxundu.
Nazirliyin şöbə rəisi arvadını bıçaqladı

Əmək və Əhalinin Sosial Müdafiəsi Nazirliyi yanında Dövlət Məşğulluq Xidmətinin Saatlı rayon şöbəsinin rəisi Bayram Mikayılov həbs edilib.
B.Mikayılov paytaxtın Xətai rayonunda arvadı Gülnarə Cəbrayılovanı mübahisə zəminində bıçaqlayıb.
Bu barədə saytımıza G.Cəbrayılovanın vəkili Vasif İsrafilov məlumat verib.
Belə ki, bu il yanvarın 26-da B.Mikayılov arvadının avtomobilinin qarşısını kəsərək onu öldürməklə hədələyib. Bir saata yaxın davam edən mübahisəyə kənar şəxslər sakitləşdirmək üçün müdaxilə edib. Bu zaman şöbə rəisi B.Mikayılov bıçaq çıxararaq onu vurub. Ətrafdakı şəxslər yaralı qadını maşına oturdaraq xəstəxanaya çatdırıblar. Həkimlərin müdaxiləsindən sonra onların həyatını xilas etmək mümkün olub.
Faktla bağlı Xətai Rayon Polis İdarəsində Cinayət Məcəlləsinin 211.3-cü (xuliqanlıq) maddəsi ilə cinayət işi başlanılıb. Bu gün, yəni mayın 5-də B.Mikayılov təqsirləndirilən şəxs qismində cinayət işinə cəlb edilib və saxlanılaraq Xətai rayon Müvəqqəti Saxlanma Yerinə təhvil verilib.

***
Qeyd edək ki, bir ay öncə mediada yaşlı kişinin təhqir edilərək alçaldılması barədə video yayılmışdı. Həmin məlumatda qeyd olunurdu ki, Saatlı rayon sakini Elşən Allahyarov direktor B.Mikayılovun qəbuluna gəlib, orada isə aşağılayıcı sözlərlə təhqir olunub. Nazirlik isə bu məlumatı təkzib edərək görüntülərin B.Mikayılovun otağında çəkilmədiyini bildirmişdi.

***
Bayram Mikayılov əlaqə saxlayaraq arvadını bıçaqlamadığını və polis tərəfindən saxlanılmadığını bildirib. "Keçmiş həyat yoldaşımın əmisi, Laçın rayonunun keçmiş icra başçısı Ramiz Cəbrayılov məni hədələyir, şantaj edir. Bütün bunlar da onun işləridir".
Vəkil Vasif İsrfailov açıqlamasında qarşı tərəfin yalan danışdığını qeyd edib. Vəkil bildirib ki, B.Mikayılov barəsində təxminən yarım saat əvvəl Xətai rayon məhkəməsinin hakimi Habil Məmmədovun sədrliyi ilə proses keçirilib. Hakim B.Mikayılovun dövlət işçisi olmasını nəzərə alaraq onun barəsində həbs-qətimkan tədbiri seçməyib.
B.Mikayılov hazırda istintaqı aparılan cinayət işində təqsirləndirilən şəxs olaraq qalır. İşi Xətai RPİ-nin müstəntiqi Şahsurvar Əliyev aparır.

“Qafqazinfo”

Şərhlər

XƏBƏR LENTİ