XalqXəbər.Az

www.XALQXEBER.az » Hadisə » Yardımlıda meşəbəyinin meyiti dərədə tapıldı

Yardımlıda meşəbəyinin meyiti dərədə tapıldı

Yardımlıda meşəbəyinin meyiti dərədə tapıldı
19-08-2020, 13:36

Yardımlı rayonunda dərədə kişi meyiti tapılıb.

“Report”un Cənub Mərkəzinin məlumatına görə, Tahirli kənd sakini Təyyar Sərhadalı oğlu Məhərrəmov üç gün əvvəl meşə gözətçisi olduğu əraziyə getmək üçün avtomobilini aşağı kənddəki həyətlərdən birində saxlayıb.

Ailə üzvləri iki gün ərzində T.Məhərrəmovun qayıtmadığından narahat olduqlarında polis şöbəsinə məlumat veriblər.

Bu gün meşəbəyinin meyiti Hanoba meşəsindəki dərədə aşkar olunub. Hadisənin hansı şəraitdə baş verməsi barədə hələlik məlumat yoxdur. Mərhumun meyiti müayinə olunmaq üçün aidiyyəti üzrə təhvil verilib.

T.Məhərrəmovun üç ay əvvəl meşəbəyi təyin olunduğu bildirilir.

Faktla bağlı Yardımlı rayon prokurorluğunda araşdırma aparılır.

XalqXeber.Az

Materiallardan istifadə edərkən sayta mütləq istinad olunmalıdır. Bütün hüquqlar qorunur.