XalqXəbər.Az

www.XALQXEBER.az » Hadisə » Mingəçevirdə dələduzluq yolu ilə vətəndaşların mobil telefonlarını ələ keçirən şəxs saxlanılıb

Mingəçevirdə dələduzluq yolu ilə vətəndaşların mobil telefonlarını ələ keçirən şəxs saxlanılıb

Mingəçevirdə dələduzluq yolu ilə vətəndaşların mobil telefonlarını ələ keçirən şəxs saxlanılıb
17-08-2020, 11:07

Mingəçevir Şəhər Polis Şöbəsinə müraciət edən bir neçə şəhər sakini onlara məxsus mobil telefonların naməlum şəxs tərəfindən dələduzluq yolu ilə ələ keçirilməsi barədə məlumat veriblər.
DİN-in Mətbuat Xidmətinin Şəki regional qrupundan verilən məlumata görə, daxil olmuş müraciətlər əsasında polis əməkdaşları tərəfindən keçirilmiş əməliyyat-axtarış tədbirləri nəticəsində dələduzluğu etməkdə şübhəli bilinən şəxsin Mingəçevir şəhər sakini Rəşad Məmmədli olduğu müəyyən edilərək, saxlanılıb. O, 6 nəfərin etibarından sui-istifadə edərək, danışmaq adı ilə mobil telefonlarını alıb, geri qaytarmayıb. R.Məmmədli ifadəsində həmin telefonları sataraq əldə etdiyi pulu özü üçün xərclədiyini bildirib.
Faktla bağlı Mingəçevir Şəhər Polis Şöbəsində araşdırma aparılır.

XalqXeber.Az

Materiallardan istifadə edərkən sayta mütləq istinad olunmalıdır. Bütün hüquqlar qorunur.