SON DƏQİQƏ
XalqXeber.Az » Hadisə » Prokurorluq Binəqədidəki qətllə bağlı məlumat yaydı

Prokurorluq Binəqədidəki qətllə bağlı məlumat yaydı

Tarix:

14-08-2020, 11:59

/ 618 dəfə oxundu.
Prokurorluq Binəqədidəki qətllə bağlı məlumat yaydı

Avqustun 12-də 1952-ci il təvəllüdlü Hüseyn Məmmədova Binəqədi rayonu
ərazisində naməlum şəxs (şəxslər) tərəfindən bıçaqla xəsarət yetirilməsi və
aldığı xəsarətdən 13 avqust 2020-ci il tarixdə xəstəxanada ölməsi barədə rayon
prokurorluğuna məlumat daxil olmuşdur.
Bu barədə Binəqədi rayon prokurorluğundan daxil olan məlumatda deyilir.
Dərhal prokurorluq əməkdaşları tərəfindən hadisə yerinə baxış keçirilmiş və
digər zəruri prosessual hərəkətlər yerinə yetirilmişdir.
Faktla bağlı Binəqədi rayon prokurorluğunda Cinayət Məcəlləsinin 126.3-cü
(qəsdən sağlamlığa ağır zərər vurma ehtiyatsızlıqdan zərərçəkmiş şəxsin ölümünə səbəb olduqda) maddəsi ilə cinayət işi başlanmışdır.
İş üzrə hadisənin şahidləri müəyyənləşdirilərək dindirilmiş, müvafiq
ekspertizalar təyin edilmişdir.
Hazırda prokurorluq və polis əməkdaşları tərəfindən cinayəti törətmiş şəxs
və ya şəxslərin müəyyən edilərək tutulub istintaqa cəlb edilməsi istiqamətində
intensiv və zəruri istintaq hərəkətləri və əməliyyat-axtarış tədbirləri davam etdirilir.

Şərhlər

XƏBƏR LENTİ