Azərbaycanda avtoritetlər arasında insident baş verib.
Rövşən Lənkəranskinin tərəfdarı kimi tanınan "Kürd Elnur" ləqəbli Elnur Abbasov ilə Zamin Babayev arasında münaqişə düşüb. Belə ki, "Kürd Elnur" 90-OL-666 markalı “BMW X5” maşını ilə Zamin Babayevə məxsus avtomobili dərəyə atıb.

Hadisə ilə bağlı Daxili İşlər Nazirliyinin mətbuat xidmətinin rəisi Ehsan Zahidov Unikal.org-un soğrusa cavab olaraq bildirib ki, zərərçəkən şəxs, Sabunçu rayon, Bakıxanov qəsəbə sakini Zamin Babayev polisə müraciət edərək əvvəlcədən tanıdığı Elnur Abbasov adlı şəxs tərəfindən avtomobili qaçırılaraq, dərəyə aşırılıb.

Dərhal hadisə ilə bağlı Suraxanı rayon Polis İdarəsində cinayət işi açılıb və hazırda istintaq işi gedir. Polis Elnur Abbasovun saxlanılması istiqamətində zəruri əməliyyat axtarış tədbirlərini davam etdirir.