Biləsuvar rayonunda bir ailənin bütün üzvləri qidadan zəhərləniblər.

Rayonun Günəşli kəndində yaşayan 62 yaşlı Adil Əhmədov, həyat yoldaşı Mərifət Xasıyeva və onların övladları – 29 yaşlı Amil Əhmədov, 23 yaşlı Sevanə Əhmədova fevralın 1-də axşam yeməyi zamanı özlərinin sentyabr ayında evdə hazırladıqları pomidor turşusunu yeyiblər.

Onlar fevralın 2-si səhər saat 5 radələrində özlərini pis hiss edərək xəstəxanaya müraciət ediblər. Ailə üzvlərinə ilkin tibbi yardım göstərildikdən sonra Bakıda yerləşən Kliniki Tibbi Mərkəzə göndəriliblər.

Faktla bağlı araşdırma aparılır.