XalqXəbər.Az

www.XALQXEBER.az » Hadisə » Bilgəh Kardioloji Sanatoriyasına quldur basqını - mühafizəçi bıçaqlanıb

Bilgəh Kardioloji Sanatoriyasına quldur basqını - mühafizəçi bıçaqlanıb

Bilgəh Kardioloji Sanatoriyasına quldur basqını - mühafizəçi bıçaqlanıb
15-03-2017, 10:03

Bilgəh Kardioloji Sanatoriyasından oğurluq etməyə cəhd göstərən şəxs sanatoriyanın mühafizəçisini bıçaqlayıb.
Hadisə Sabunçu rayonunda baş verib.
Belə ki, Bilgəh Kardioloji Sanatoriyasında mühafizəçi işləyən 1989-cu il təvəllüdlü Həmidzadə Şəhriyar Paşa oğlu içəriyə oğurluq etmək məqsədilə daxil olmaq istəyən şəxsi zərərsizləşdirmək istəyib. Bu zaman həmin şəxslə mühafizəçi əlbəyaxa olublar. Həmin şəxs Ş.Həmidzadənin baş və bədən nahiyəsinə ümumilikdə 3 bıçaq zərbəsi vurub. Mühafizəçi ağır yaralanaraq xəstəxanaya yerləşdirilib. Həkimlər onun vəziyyətini ağır kimi qiymətləndirir.
Faktla bağlı Sabunçu Rayon Polis İdarəsində araşdırma aparılır.

XalqXeber.Az

Materiallardan istifadə edərkən sayta mütləq istinad olunmalıdır. Bütün hüquqlar qorunur.