Bu gün günorta saatlarında Sabirabad rayonunun Zəngənə kəndindən keçən avtomobil yolunda piyadanın ölümü ilə nəticələnən yol-nəqliyyat hadisəsi baş verib.
Rayonun Yolçubəyli kəndinin icra nümayəndəsi — 62 yaşlı Sadəli Məhyəddin oğlu Şahlarov idarə etdiyi “Mercedes 190” markalı 90 FP 497 dövlət nömrə nişanlı minik maşını ilə Zəngənə kəndinin 45 yaşlı Hakim Ələddin oğlu Məhərrəmovu vurub.

Piyada aldığı ağır xəsarətlərdən hadisə yerində dünyasını dəyişib.

Faktla bağlı araşdırma aparılır.

Yenixeber.org