Xəzər rayonunda 25 yaşlı gənc həmyerlisi tərəfindən bıçaqlanıb.
Türkan qəsəbəsi, Xanlar küçəsi 1 ünvanında yaşayan 1993-cü il təvəllüdlü Mirzəli Əskər oğlu Mirzəyev bıçaq xəsarəti ilə 3 saylı şəhər xəstəxanasına gətirilib.
Gənc oğlan cərrahiyə əməliyyatı olunub və reanimasiya şöbəsinə yerləşdirilib.
İlkin dindirmələr zamanı məlum olub ki, M.Mirzəyev qəsəbə sakini Şəhran Quliyev tərəfindən bıçaqlanıb. Saxlanılan şəxs dindirilən zaman M.Mirzəyevi bıçaqlamağından danışıb:
“Mirzəlini çoxdan tanıyıram, mənimlə yekə-yekə danışdı, dedim ki, həddini bil. Amma o, məni saymadı. Mən də onu deşik-deşik elədim”.
Faktla bağlı Xəzər RPİ-nin İstintaq Şöbəsində cinayət məcəlləsinin 126.1-ci (qəsdən sağlamlığa ağır xəsarət yetirmə) maddəsi ilə cinayət işi başlanıb və Şəhran Quliyev şübhəli şəxs qismində saxanılıb.
