Rusiyanın Yujno-Saxalinsk şəhərinin Novoaleksadrovsk qəsəbəsində 55 yaşlı Azərbaycan vətəndaşının mənzildə yanmış meyiti tapılıb

Rusiya KİV-inin məlumatına görə, meyit yerli məhkəmə-tibbi ekspertizadan keçiriləndən sonra məlum olub ki, həmin şəxs yanğın nəticəsində dünyasını dəyişməyib, qətlə yetirilib.

Hadisə yerinə gələn İstintaq Komitəsinin əməkdaşları qatillərin izinə düşə biliblər. İlkin araşdırmadan sonra məlum olub ki, hadisəni 42 yaşlı Azərbaycan vətəndaşı və onun 35 yaşlı sevgilisi törədib. Cütlük Yujno-Saxalinski tərk etmək istəyərkən polis tərəfindən saxlanılıb.