XalqXəbər.Az

www.XALQXEBER.az » Hadisə » Banka borcu olduğu üçün ölkədən qaçarkən saxlanıldı

Banka borcu olduğu üçün ölkədən qaçarkən saxlanıldı

Banka borcu olduğu üçün ölkədən qaçarkən saxlanıldı
9-01-2018, 14:47

Yanvarın 5-də Azərbaycan vətəndaşı 1980-cı il təvəllüdlü İsgəndərov İlqar Rəftar oğlu Qusar rayonunun Samur qəsəbəsində yerləşən sərhəd zastavasının xidməti ərazisindən dövlət sərhədini pozaraq Rusiyaya keçməyə cəhd göstərərkən sərhədçilər tərəfindən saxlanılıb.

Dövlət Sərhəd Xidmətindən verilən məlumata görə, aparılmış ilkin araşdırma nəticəsində saxlanılan şəxsin müxtəlif banklara borcu olduğuna görə məhkəmə qərarı ilə ölkədən çıxışının qadağan olunması və bu səbəbdən onun ölkə ərazisini qeyri-qanuni yolla tərk etməyə cəhd göstərməsi müəyyənləşdirilib.

Hazırda fakt üzrə əməliyyat-istintaq tədbirləri davam etdirilir.

XalqXeber.Az

Materiallardan istifadə edərkən sayta mütləq istinad olunmalıdır. Bütün hüquqlar qorunur.