Rusiyada azərbaycanlı avtoritet başından güllələnərək öldürülüb. Hadisə Rusiya Federasiyasının Xantı Muxtar Dairəsində qeydə alınıb.
Surqut şəhərində "Kafe Rus"da azərbaycanlı avtoritetlər arasında "sxodka" olub. "Sxodka"nın gedişində avtoritetlər arasında mübahisə düşüb, narazılıq yaranıb. Nəticədə Ağdam rayon sakini, 1971-ci il təvəllüdlü Siyavuş Zeynalov başında güllələnərək öldürülüb. Hadisədən sonra qətli törədən şəxs kafedən çıxaraq qaçıb.
S.Zeynalovun meyiti Moskva-Bakı reysi üzrə hərəkət edən təyyarə ilə bu gün günorta saatlarında Bakıya gətirilib.
Faktla bağlı araşdırma aparılır.
