Lənkəranda narkotik və psixotrop maddələrin qanunsuz dövriyyəsi ilə məşğul olan iki nəfər saxlanılıb.
Lənkəran Şəhər Rayon Polis Şöbəsi əməkdaşları narkotiklərin qanunsuz dövriyyəsinə qarşı mübarizə tədbirləri çərçivəsində əməliyyat keçiriblər. Rayonun Göyşaban kənd sakini, 49 yaşlı Məmmədov Siyavuş Qədir oğlu və Bakı şəhər sakini Məmmədov Hafiz Hətəm oğlu şübhəli şəxs qismində saxlanılıblar. H.Məmmədovun üzərinə baxış keçirilərkən maddi sübut kimi 30 qutu metadon həbi aşkarlanaraq götürülüb. Bundan sonra güclü təsiredici qabiliyyəti olan peraparatı ona satan şəxs kimi S.Məmmədov da istintaqa cəlb olunub.
Qeyd edək ki, narkotik tərkibli "metadon" həbi Azərbaycan Respublikasının ərazisində yalnız qanunla tənzimlənən şəkildə, yəni istifadə edilməsi göstərilməklə tətbiqinə izacə verilir. Faktla bağlı araşdırma aparılır.