Dolların bahalaşacağı və FED-in daha çox faiz artıracağı ehtimalının daha da güclənəcəyi gözlənilir
Bu gün ABŞ-ın Federal Ehtiyat Sisteminin (FED) faiz artırmaq üçün baxdığı mühüm bir göstərici - kənd təsərrüfatı xaric məşğulluq məlumatı açıqlanacaq.
Bakı vaxtı ilə saat 16:30-da açıqlanacaq mart ayı məşğulluq göstəricisinin 180 min olacağı gözlənilir.
Yanvarda qeyri-kənd təsərrüfatında məşğulluq 235 min artmışdı. Eyni zamanda, Martda ABŞ-da işsizlik nisbətinin 4,7%-də qalacağı, orta saatlıq maaşların 0,2% artacağı gözlənir. Fevralda ABŞ-da işsizlik 4,7% olmuş, orta saatlıq maaşların artımı isə 0,2% təşkil etmişdi. Əgər açıqlanacaq faktlar proqnozlardan yüksək çıxarsa, dolların bahalaşacağı və FED-in daha çox faiz artıracağı ehtimalının daha da güclənəcəyi gözlənilir. Bu arada, banklar dollar və avronun yeni alış-satış qiymətlərini açıqlayıb.