XalqXəbər.Az

www.XALQXEBER.az » İqtisadiyyat » Əkrəm Həsənov: "Bank Standard"ın müflis olmasında iştirak etmiş şəxs ADIF-də müşavir işləyir

Əkrəm Həsənov: "Bank Standard"ın müflis olmasında iştirak etmiş şəxs ADIF-də müşavir işləyir

Əkrəm Həsənov: "Bank Standard"ın müflis olmasında iştirak etmiş şəxs ADIF-də müşavir işləyir
20-10-2017, 16:46

"Ləğv prosesində olan “Bank Standard” QSC-nin müflis olmasında iştirak etmiş Bankın İdarə Heyətinin sədr müavini Orxan Xubanov Azərbaycan Əmanətlərin Sığortalması Fondunda (ADIF) müşavir vəzifəsinə təyin edilib. Bu, qeyri-adi haldır”.

Bunu “Bank Standard”ın Kreditor Komitəsinin bu gün keçirilən iclasında Komitənin sədri, hüquqşünas Əkrəm Həsənov məlumat verib.

Bundan başqa, o qeyd edib ki, Bankın ləğv prosesində kreditorlar və debitorlara münasibətdə qeyri-qanuni addımlar atılır: “Məndə olan məlumata görə, böyük məbləğdə pulu olan əmanətçiləri çağırıb deyirlər ki, səndə bu qədər pul haradandır, ondan imtina et. Həmçinin banka borcu olan şəxslərlə separat danışıqlara gedilir. Onların bəzilərindən ancaq əsas borcu ödəmək tələb olunur. Məsələn, Azərbaycan Dövlət Neft Fondunun (ARDNF) icraçı direktoru Şahmar Mövsümovun qardaşı Şahin Mövsümov bəyan edib ki, “Bank Standard”a 70 mln. manat borcu var. Halbuki, bu, onun əsas borcudur. İş adamından faizlər, cərimələr tələb olunmur. ADIF ləğvedici kimi bunlara aydınlıq gətirməlidir”.

XalqXeber.Az

Materiallardan istifadə edərkən sayta mütləq istinad olunmalıdır. Bütün hüquqlar qorunur.