"SilkWay Bank”ın idarəetmə orqanında dəyişiklik olub.
Səhmdarların Ümumi Yığıncağının 7 avqust tarixli qərarına əsasən, "SilkWay Bank” ASC-nin idarəetmə orqanlarında dəyişiklik olub.
İdarə Heyətinin sədri Elçin Eldar oğlu Əhmədov Müşahidə Şurasının sədri, İdarə Heyətinin üzvü - sədrin müavini Mahir Əvəz oğlu Əhmədov isə - İdarə Heyətinin sədri vəzifəsinə təyin ediliblər.
E.Əhmədov 8 fevral 1982-ci ildə Bakı şəhərində anadan olub. 2004-ci ildə Azərbaycan Dövlət İqtisad Universitetinin "Maliyyə və Kredit" fakultəsini bakalavr, 2005-ci ildə isə magistr dərəcəsi ilə bitirib. Bir çox tanınmış şirkətlərdə məsul və rəhbər vəzifələrdə işləyən E.Əhmədov 2009-cu ildə "Bank Silk Way" ASC-nin İdarə Heyəti sədrinin birinci müavini vəzifəsinə təyin edilib, 2012-ci ildən "SilkWay Bank" ASC-nin İdarə Heyətinin sədri vəzifəsinə təyinat alaraq bu günədək icra edib.
