Şirvan Reabilitasiya Mərkəzi 2004-cü ilin yanvar ayından fəaliyyət göstərir. Mərkəzdə 18 yaşından yuxarı bütün kateqoriyalardan olan ƏOŞ-ə kompleks tibbi sosial bərpa müalicəsi aparılır. Mərkəzin məqsədi ƏOŞ-ə tibbi sosial bərpa müalicəsi göstərməklə cəmiyyətə inteqrasiyasını təmin etməkdir. Mərkəzin 14 çarpayısı, 7 palatası vardır. 

        Mərkəzdə beş şöbə (rəhbərlik, inzibati heyət,tibbi və sosial-psixoloji reabilitasiya və abilitasiya şöbəsi, orta və kiçik tibb heyəti,təsərrüfat və təminat şöbəsi)  fəaliyyət göstərir.

       Mərkəzdə aşağıdakı xidmətlər mövcuddur.

   1.Müalicəvi idman otağı
   2.Hidroterapiya (masaj vannaları)
   3.Hovuz
   4.Müalicəvi masaj
   5.Parafin
   6.Manipulyasiya otağı
   7.Termoterapiya
   8.Elektroterapiya
   9.Psixoloji seans otağı

         ƏOŞ-in müalicəsi üçün müalicə kabinetləri –elektriklə müalicə otaqları, hovuz, müalicəvi bədən tərbiyəsi otağı, masaj otağı, vanna otağı, parafin otağı,konservativ müalicə aparmaq üçün prosedura kabineti fəaliyyət göstərir.

       Mərkəz yeni əsaslı təmirdən sonra oktyabr ayından yenidən fəaliyyətə başlamışdır. Bütün prosedur otaqları  yeni avadanlıqlarla təchiz edilmişdir. Mərkəzə yeni müasir fizioterapiya aparatları gətirilmişdir. Eyni zamanda Müalicəvi bədən tərbiyəsi otağı da yeni müasir avadanlıqlarla təmin olunmuşdur. ƏOŞ-in  rahatlığı üçün palatalarda hərcür şərait yaradılmışdır. Vanna otaqları müasir şəkildə təmir olunmuş və isti su ilə təchiz   edilmişdir. ƏOŞ-in rahat şəkildə istirahəti üçün televizor və tibb çağırış sistemi aparatları quraşdırılmışdır.

       Mərkəzin yeməkxanasında da ƏOŞ üçün rahat şərait yaradılmışdır. Mətbəxdə  müasir avadanlıqlar,elektrik peçi,televizor,soyuducular quraşdırılmışdır. ƏOŞ gündə 3 dəfə isti yeməklə təmin olunurlar.

      Mərkəzdə bütün sanitar-gigyenik qaydalara əməl olunur. Ayda iki dəfə Mərkəzdə dezinfeksiya işləri aparılır.

      Mərkəzin həyətyani sahəsində yeni asfalt örtüyü çəkilmiş və yeni  növ ağaclar  və güllər əkilmişdir. Hər tərəf müasir işıqlanma ilə təmin olunmuşdur. Bundan əlavə həyətyani sahədə Əoş-in  rahat istirahəti üçün söhbətkah və oturacaqlar quraşdırılmışdır. 

     Əsaslı təmirdən sonra mərkəzdə binanın daxilində və həyətyani sahədə kameralar quraşdırılmışdır.

    44 günlük Vətən müharibəsi zamanı yaralanmış qazilərimizə və şəhid ailələrinə mərkəzdə onlara sosial psixoloji reabilitasiya kursları keçirilmişdir və bu da onların yenidən cəmiyyətə inteqrasiyasına kömək etmişdir. Bununla yanaşı qazilərimizə tibbi reabilitasiya xidmətləri də göstərilmişdir. 

Bu gün Reabilitasiya Mərkəzində olan hər bir vətəndaş mərkəzin rəhbərliyindən və kollektivindən öz razılığını bildirir. 

Elşad Barat