"İnsanlıqdan və Əmək Məcəlləsindən uzaq. Hər dəfə döyüşçü oğlunu görəndə atasına qarşı etdiyiniz qəddarlığa görə utanıb yerə girməyəcəksiniz? Nəsə heç ona da inanmıram!" DİA.AZ bildirir ki, bu barədə Neftçilərin Hüquqlarını Müdafiəsi ictimai Birliyinin sədri, tanınmış hüquq-müdafiəçisi Mirvari Qəhrəmanlı məlumat paylaşıb.
Daha sonra Mirvari Qəhrəmanlı qeyd edir: "SOCAR Qaz İxrac İdarəsinin rəisi cənab Əkbər Hacıyev! Rəhbərlik etdiyiniz idarənin Astara magistral qaz kəmərləri sahəsinin rəhbəri Zahir Rzayev ,həmin sahənin işçisi, onkoloji xəstə Vüqar Abbasova ( oğlu 2 -ci Qarabağ iştirakçısıdır) qarşı qəddar, heç bir çərçivəyə sığmayan ədalətsiz və qanunsuz hərəkətlərə yol verib. Vüqar Abbasov 2 il 6 ay onkoloji xəstəlikdən əziyyət çəkib. Bu il aprelin 17-də vəfat edib. Mart ayının 30 da qeyd olunan müəssisənin Nuru adlı kadr üzrə işçisi Vüqar Abbasovun evinə gələrək, ağır yataq xəstəsi olan işçiyə təzyiq edərək , ona məcburi işdənçıxma ərizəsi yazdırıb. Bunula da Qaz İxrac İdarəsinin Astara magistral qaz kəmərləri sahəsinin rəhbəri Zahir Rzayev Əmək Məcəlləsinin 69-cu maddəsinin (Əmək müqaviləsinin işçi tərəfindən ləğv edilməsi qaydası) 1(İşçi bir təqvim ayı qabaqcadan işəgötürəni yazılı ərizəsi ilə xəbərdar etməklə əmək müqaviləsini ləğv edə bilər.) , 2(Ərizə verildiyi gündən bir təqvim ayı bitdikdən sonra işçi işə çıxmamaq və son haqq-hesabının aparılmasını tələb etmək hüququna malikdir. Bu halda işəgötürən işçinin tələblərini yerinə yetirməyə borcludur.) və 7-ci ( İşəgötürən tərəfindən zor işlədilərək, hədə-qorxu gələrək, yaxud hər hansı başqa üsulla işçinin iradəsinin əleyhinə əmək müqaviləsini ləğv etməyə onu məcbur etmək qadağandır.) bəndlərini, Maddə 72. maddəsinin a bəndini (özünün xəstəliyi, yaxın qohumunun xəstələnməsi və ya vəfat etməsi istisna olunmaqla heç bir üzürlü səbəb olmadan bütün iş günü işə gəlməməsi; ) Nazirlər Kabinetinin 189 saylı qərarının müvafiq maddələrinin tələblərini kobud surətdə pozub. İdarə rəhbəri Zahir Rzayevin, ölüm ayağında olan işçisinə 2 həftə dözməyə səbri çatmayıb. İllərdir işçilərdən və Vüqar Abbasovdan üzvlük haqqı tutan Həmkarlar təşkilatı, vəzifəsini(ən əsası da vicdanı) unudaraq ağır yataq xəstəsi olan işçiyə məcburi işdənçıxma ərizəsi yazdırılmasına göz yumub. Ən azından iki həftə səbrinizi çatsaydı, işçi ölümlə əlaqədar işdən azad olardı və ailəsi də 3 orta aylıq əmək haqqı məbləğində müavinət alardı. Allah qarşınıza çıxarsın..."
DİA.AZ bildirir ki, bunun ardından tanınmış hüquq-müdafiəçisi maraqlı bir məlumatı da açıqlayır: "Qohumlarının dediyinə görə sahə rəisi SOCAR vitse prezidenti Xaliq Məmmədovun qohumudur...."
İddia olunanlarla bağlı dia.az olaraq bütün maraqlı tərəfləri dinləməyə hazırıq...
