XalqXəbər.Az

www.XALQXEBER.az » Gündəm » Ağdam ətrafında gərginlik: Ermənilər yaşayış məntəqələrinə atəş açdı - Nazirlik məlumat yaydı

Ağdam ətrafında gərginlik: Ermənilər yaşayış məntəqələrinə atəş açdı - Nazirlik məlumat yaydı

Ağdam ətrafında gərginlik: Ermənilər yaşayış məntəqələrinə atəş açdı - Nazirlik məlumat yaydı
17-05-2017, 14:03

Mayın 16-da axşam saatlarından başlayaraq gecə ərzində Ermənistan silahlı qüvvələrinin bölmələri cəbhə xəttinin Ağdam istiqamətində mövqelərimizi və müdafiəmizin dərinliyində yaşayış məntəqələrimizi müxtəlif çaplı minaatanlardan intensiv atəşə tutub.

Müdafiə Nazirliyinə istinadən məlumata görə, eyni zamanda düşmən tərəfindən tətbiq edilən döyüş pilotsuz uçuş aparatlarının keyfiyyəti aşağı olduğundan onların istifadəsi nəticəsində heç bir zərər dəyməyib:

"Dərhal görülmüş cavab tədbirləri nəticəsində düşmən susdurulub, Silahlı Qüvvələrimizin döyüş texnikasına ziyan dəyməyib və şəxsi heyət arasında itki yoxdur. Atılan mərmilər əsasən boş əkin sahələri və yaşayış məntəqələrinə yaxın ərazilərə düşüb".

Azərbaycan Müdafiə Nazirliyi bildirir ki, əməliyyat şəraiti Silahlı Qüvvələrimizin tam nəzarəti altındadır.

Mia.az

XalqXeber.Az

Materiallardan istifadə edərkən sayta mütləq istinad olunmalıdır. Bütün hüquqlar qorunur.