XalqXəbər.Az

XalqXeber.Az » Gündəm » Rövşən Əkbərovu Vilayət Quliyev həbsdən xilas edib – ŞOK İDDİA

Rövşən Əkbərovu Vilayət Quliyev həbsdən xilas edib – ŞOK İDDİA

Rövşən Əkbərovu Vilayət Quliyev həbsdən xilas edib – ŞOK İDDİA
18-03-2021, 12:35

Martın 15-də həbs olunan Azərbaycanın Milli Qəhrəmanı, sabiq korpus komandiri, general-leytenant Röşvən Əkbərovun adı ətrafında başlayan müzakirələr səngimək bilmir.


Prokurorluq orqanları onun 1 iyun 2001-ci ildə Ukraynada Elçin Əliyev adlı Azərbaycan vətəndaşını dənizçi bıçagıyla (kortik) öldürməsini rəsmən açıqlayandan sonra ortaya çoxsaylı suallar çıxıb. Hazırda ən çox bu sual maraq doğurur: Rövşən Əkbərov Ukraynanın hüquq-mühafizə orqanlarının “pəncəsindən” necə xilas olub?

Yenisabah.az xəbər verir ki, araşdırmaçı-jurnalist Zülfiyyə Mustafayevə bu cinayət işiylə bağlı şok açıqlama verib. Vaxtilə bu mövzuda silsilə araşdırmalar apardığını deyən jurnalist Ukraynada adam öldürməkdə təqsirli bilinən generalı o vaxtkı Xarici işlər naziri Vilayət Quliyevin xilas etdiyini bildirib:

“Cinayətin ört-bastır edilməsinin bir başqa baiskarı da o zamankı Xarici işlər naziri, hazırda Macarıstanda ölkəmizi səfir olaraq təmsil edən Vilayət Quliyev olub. Məhz onun verdiyi “toxunulmazlıq” sənədi ilə Kiyev istintaqçıları Rövşəni həbs etməyiblər. Vilayət Quliyev indiyə qədər izah edə bilməyib ki, hansı statusuna görə Rövşənin toxunulmazlıgı varmış. Niyə belə bir sənədlə onu qoruyub? Əgər Rövşən həbs olunsaydı, Azərbaycana ekstradisiya olunacaqdı. Amma Kiyevdən əlini-qolunu sallayaraq ölkəyə dönüb”.

Zülfiyyə Mustafayeva başqa maraqlı fakt da açıqlayıb. Jurnalist deyib ki, 2004-cü ildə Pirəşəküldəki hərbi hissədə Rövşən Əkbərovla görüşüb: “Müsahibə zamanı həmişəki kimi yenə cəfəngiyyat danışdı. Diktafonu söndürdükdən sonra isə belə dedi: “Sübut eləsinlər, görüm, necə sübut edəcəklər!” Onun dedikləri jurnalist kimi gücsüzlüyümü həmişə mənə xatıraldır”.

XalqXeber.Az

Materiallardan istifadə edərkən sayta mütləq istinad olunmalıdır. Bütün hüquqlar qorunur.