Əmlak Məsələləri Dövlət Komitəsinin sədr əvəzi Kərəm Həsənov öz vəzifəsinə təsdiqlənib.

Bu barədə Axar.az-a komitədəki etibarlı mənbədən məlumat verilib.

Mənbə qeyd edib ki, K.Həsənov vəzifəyə təsdiq olunsa da, bu barədə hələlik ölkə başçısının sərəncamı rəsmi yayılmayıb.

Əmlak Məsələləri Dövlət Komitəsinin mətbuat xidmətinin rəhbəri Qulu Xəlilov Axar.az-a açıqlamasında qeyri-iş günü olduğu üçün məsələ ilə bağlı açıqlama verə bilməyəcəyini deyib.

Qeyd edək ki, ötən gün Prezident İlham Əliyev Nazirlər Kabinetinin tərkibini təsdiqləyib. Təsdiqlənən tərkibdə 6 nazirlik, o cümlədən bəzi komitə, xidmət və agentliyin adı hələ ki yoxdur.