SON DƏQİQƏ
XalqXeber.Az » Sosial » Monitorinqin nəticələri açıqlandı

Monitorinqin nəticələri açıqlandı

Tarix:

21-10-2017, 11:00

/ 92 504 dəfə oxundu.
Monitorinqin nəticələri açıqlandı

Ekologiya və Təbii Sərvətlər Nazirliyinin Milli Hidrometeorologiya Departamenti çayların hazırkı vəziyyəti ilə bağlı monitorinqin nəticələrini açıqlayıb.

Açıqlamada bildirilir ki, hazırda Böyük Qafqazın Quba-Xaçmaz bölgəsi çaylarında sululuq ongünlük normanın 110-120, Kiçik Qafqazın çaylarında 100-120, Lənkəran-Astara bölgəsi çaylarında 40-70 , Naxçıvan MR çaylarında isə 180 faizini təşkil edir.

Oktyabrın 20-də Kür çayının Qıraqkəsəmən məntəqəsində suyun səviyyəsində 14 sm azalma müşahidə olunub. Hazırda məntəqədə su sərfi 215 m3/s olmaqla ongünlük normanın 127 faizini təşkil edir. 2016-cı ildə isə bu rəqəm 225 m3/s olmaqla ongünlük normanın 133 faizini təşkil edib.

Qanıx çayının Əyriçay məntəqəsində suyun səviyyəsində 6 sm azalma müşahidə olunub. Hazırda məntəqədə su sərfi 80 m3/s olmaqla, ongünlük normanın 75 faizini təşkil edir. 2016-cı ildə isə bu göstərici 193 m3/s təşkil edərək ongünlük normanın 180 faizinə bərabər olub.

Oktyabrın 20-də Kür çayının aşağı axınında suyun səviyyəsində əsasən artım müşahidə olunub. Belə ki, Kür çayının Şirvan məntəqəsində 2, Salyanda 6, Araz çayının Novruzlu məntəqəsində 23 sm artım, Surrada 6, Bankədə 8 sm azalma qeydə alınıb.

Hazırda Surra məntəqəsində suyun səviyyəsi 366 m (2016-cı il oktyabrın 20-də 569 sm), Şirvanda 251 sm, Salyanda 230 sm (2016-cı il oktyabrın 20-də 371 sm), Bankədə 197 sm (2016-cı il oktyabrın 20-də 273 sm), Araz çayının Novruzlu məntəqəsində isə 98 sm (2016-cı il oktyabrın 20-də 277 sm) təşkil edir.

Şərhlər

XƏBƏR LENTİ