yüklənir...
yüklənir...

SON DƏQİQƏ

XalqXəbər.Az
yüklənir...
yüklənir...

Ziya Məmmədovun media holdinqi çökür: Eks-nazirin saytları bağlanır

Ziya Məmmədovun media holdinqi çökür: Eks-nazirin saytları bağlanır
15-02-2017, 00:28 862 dəfə baxılıb
yüklənir...

Nəqliyyat naziri Ziya Məmmədovun istefaya göndərilməsi ilə media holdinqi də çökməyə başlayıb

Gələn xəbərlərə görə, eks-nazirin saytlarının bağlanacağı gözlənilir.

Elektron mediada Məmmədovların xəbər portalları var və onların böyük büdcəsi də yoxdur. Bundan sonra maliyyənin kəsiləcəyi xəbər verilir.

Ziya Məmmədovun oğlu Anar Məmmədovun saytlarının da fəaliyyətini dayandırması yaxud da “əl dəyişməsi” istisna edilmir. Bu saytlar vaxtaşırı Daxili İşlər naziri Ramil Usubov və fövqəladə hallar naziri Kəmaləddin Heydərov əleyhinə yazılar verirdi.

Nəqliyyat naziri Ziya Məmmədovun oğlu Anar Məmmədovun patronluğu ilə fəaliyyət göstərən və əsl sahiblərinin kimliyi məxfi saxlanılan media quruluşlarında nazirlər əleyhinə böyük anti-kompaniya başlanmışdı.

“Qarant Holdinq” şirkətlər qrupunun Müşahidə Şurasının üzvü, qurumun Direktorlar Şurasının sədri Anar Məmmədova məxsus holdinqin nəzdində “Qarant Media Holdinq” yaradılacağı barədə məlumatlar verilsə də, belə bir qurum yaradılmadı. Bu da belə bir ehtimal yaradırdı ki, “Qarant Holdinq” media layihəsindən imtina edib.

Əgər belə davam edərsə, o zaman qısa müddət ərzində həmin kütləvi informasiya vasitələri tamamilə sıradan çıxa bilər. Bir sözlə, görünən odur ki, Ziya Məmmədovun media imperiyası çökmək üzrədir.

Gələn xəbərlərə görə, Anar Məmmədov “Qarant Holdinq” adlı şirkət təsis edərək bir sıra xəbər portalları və internet televiziyaları açmağı planlaşdırırdı.

Bir müddət öncə, Anar Məmmədovun vəkili hətta yeni media holdinqin işə başlayacağı tarixi də bildirmişdi. Sadəcə, ayrı-ayrı saytları maliyyələşdirməyə başlamışdılar. Onların fəaliyyətini dayandırması son dərəcə real görünür.

Arayış üçün yazaq ki, hakimiyyət son vaxtlar bütün məmurlara və deputatlara 2 məsələdə “qırmızı işıq” yandırıb - bank və KİV təsis etmək onlara birmənalı qadağandır.

Son vaxtlar tanınmış məmur və millət vəkilləri arasında sayt yaratmaq tendensiyaya çevrilib. Oliqarxların qəzetə yox, sayta üstünlük verməsinin ciddi səbəbləri də var. Birincisi, saytların arxasında gizlənmək daha rahatdır.

İkincisi, yuxarılarda qıcıq doğuran yazıları dərhal saytdan yığışdırmaq olur. Üçüncüsü, sayt daha yığcam xərc tələb edir. Ona görə də saytlara üstünlük verilir.


www.xalqxeber.az

Mətndə səhv var? Onu siçanla seçin və Ctrl+Enter düyməsini basın.
Teqlər:
ŞƏRH YAZ
yüklənir...
yüklənir
OXŞAR XƏBƏRLƏR
VİDEO ÇARX
XƏBƏR LENTİ

20-10-2017


19-10-2017

BÜTÜN XƏBƏRLƏR

Sunayla Hüquqdan Danış

[email protected]


/sunayla_huquq_danish/

GÜNDƏM
KÖŞE YAZARLARI
yüklənir...
İDMAN
ŞOU-BİZNES
DÜNYA
FACEBOOK SƏHİFƏMİZ
SON DƏQİQƏ