yüklənir...
yüklənir...

SONDƏQİQƏ

XalqXəbər.Az
yüklənir...

Müavini nazirə qarşı - Azər Bayramov nazirlik yolunda

Müavini nazirə qarşı - Azər Bayramov nazirlik yolunda
20-02-2018, 09:32 460 dəfə baxılıb

Seçkilərdən sonra Bayramov qardaşlarının birinin nazir olmaq imkanları çox böyükdür
Böyük ehtimalla nazir potfeli ilə Azər Bayramov mükaflandırılacaq.
Bu ilin aprelində keçiriləcək prezident seçkisindən sonra hakim komandada radikal dəyişikliklərin olacağına dair xəbərlərvar. Mediada yer alan məlumatlara görə, hakimiyyətin yaxa qurtarmağa çalışdığı bir neçə mühüm post sahibi var və prezident seçkisindən dərhal sonra onların adları İlham Əliyevin yeni komandasının siyahısında olmayacaq. Belə ki, vurulacağı deyilən şəxslərin əksəriyyətinin iqtisadi blokda təmsil olunan məmurlar olacağı gözlənilir.
Bu barədə məlumat artıq mətbuatda dolaşmaqdadır. Saytlar xəbər verir ki, hakimiyyət üçün arzuolunmaz sayılan kadrlar arasında maliyyə naziri Samir Şərifovun, eyni zamanda Mərkəzi Bankın İdarə Heyətinin sədri Elman Rüstəmovun da adı var. Ölkənin maliyyə və bank sektorundakı vəziyyətdən sorumlu olan bu şəxslər neftin dünya bazar qiymətinin düşdüyü dövrdə qeyri-peşəkar yanaşmalarıyla iqtisadiyyatda böyük problemlərin yaranmasına rəvac veriblər. Belə ki, böhranın başlandığı ilkin dövrdə yerli və xarici ekspertlərin təkidli çağırışlarına rəğmən Azərbaycanda manatın məzənnəsi sərbəst buraxılmayıb.
Maliyyə-bank sektorunun başbilənləri Mərkəzi Bankın vəsaitləri hesabına manatın məzənnəsini süni surətdə saxlamağa cəhd göstəriblər. Nəticədə, qısa bir müddətdə Mərkəzi Bankın 18 milyard dollar təşkil edən valyuta ehtiyatları 4 milyard dollara düşüb.
Manatın devalvasiyalarından sonra məlum olub ki, manatın məzənnəsinin böyük zərər hesabına saxlanması heç də səbəbsiz olmayıb. Müəyyən qüvvələr Azərbaycanda dolların ucuz olmasından istifadə edərək milyardlarla dollar qazanc əldə ediblər. Dövlət başçısı səviyyəsində açıqlanan məlumatlardan aydın olub ki, bu qüvvələr gündə yüz milyonlarla dollar əldə etməyi bacarıblar. Bu haqda isə bir neçə gün əvvəl “Yeni Müsavat” qəzeti yazıb.
“Eyni zamanda aydın məsələdir ki, uzun illər Mərkəzi Banka rəhbərlik etməklə ölkənin bank sektorunu əlinin içi kimi tanıyan E.Rüstəmov, maliyyə sisteminə rəhbərlik edən S.Şərifov proseslərin belə xarakter alacağını görməmiş deyildilər. Bu halda onların hansı maraqlardan çıxış edərək dolları ucuz saxlamağa çalışdıqları sıravi vətəndaşlardan tutmuş, ölkə rəhbərliyinə qədər hamını düşündürəcək sualdır.
Baş bankirlə baş maliyyəçinin mütləq və mütləq görməli olduqları digər cinayət, əlbəttə ki, Beynəlxalq Bankdan oğurlanan on milyardlarla manat dövlət vəsaitidir. Biri bank sektorunun, digəri isə maliyyə sisteminin tənzimləyicisi, biri banklardan verilən kreditlərə, digəri birbaşa Beynəlxalq Bankdan verilən kreditlərə nəzarət edən iki məmurun gözləri önündəcə dövlətin pulu talan edilirsə və onlar bunu görmürlərsə, demək ki, ya tutduqları vəzifəyə uyğun bilik-bacarıqları yoxdur, ya da baş verənlərdə hansısa maraqları və iştirakları olub. Bu, sübuta ehtiyacı olmayan aksiomdur”, – deyə qəzetin yazdığı məqalədə bildirilir.
Samir Şərifovun da yeni komandada yer almayacağını yazan afn.az saytı isə qeyd edir ki, artıq nazirlikdə onun yerinə hazırlaşanlar da var Saytın yazdığına görə bu maliyyə nazirinin birinci müavini Azər Bayramovdur.
Daxil olan məlumata görə isə doğurdan da Azər Bayramov nazir kürsüsünə oturmaq üçün hazırlaşır və onun bu arzusuna çata bilməsi üçün qarşıda elə də maneə görünmür. Çox böyük ehtimalla Azər Bayramov prezident seçkilərindən sonra formalaşacaq yeni kabinetdə nazir portfelini alacaq.
Qeyd edək ki, Azər Bayramovun qardaşı Ceyhun Bayramov hazırda Təhsil naziri vəzifəsini icra edir. Qardaşlardan birinin nazir olmaq imkanları isə çox böyükdür. Baş verənləri yaxından müşahidə edən adının çəkilməsini istəməyən ekspert MilliYol-a bildirib ki, Azər Bayramovun maliyyə naziri olması daha perespektivlidir. Eyni zamanda yeni Vergilər nazirinin Mikayıl Cabbarov olması da Azər Bayramov üçün nazir kürsüsnə gedən qapının açarlarından biridir. Xatırladaq ki, Mikayıl Cabbarov və Bayramov qardaşları dostluq münasibətlərinə sahibdirlər.
Maliyyə Nazirliyinə yaxın olan başqa bir mənbədən MilliYol-un əldə etdiyi məlumata görə Azər Bayramov hazırda Maliyyə nazirliyində Samir Şərifovdan da artıq nüfuz sahibidir. O maliyyə idarələrinin əksəriyyətinə öz adamlarını yerləşdirib. Azər Bayramovun hakimiyyətdə də ciddi dəstəyi var və bu dəstək onun nazir kürsüsünə oturması üçün yetərlidir.

MilliYol-az


www.xalqxeber.az

Mətndə səhv var? Onu siçanla seçin və Ctrl+Enter düyməsini basın.
Teqlər:
ŞƏRH YAZ
yüklənir...
yüklənir
OXŞAR XƏBƏRLƏR
VİDEO ÇARX
XƏBƏR LENTİ

18-08-2018


17-08-2018

BÜTÜN XƏBƏRLƏR
GÜNDƏM
yüklənir...
FACEBOOK SƏHİFƏMİZ
SONDƏQİQƏ