Ermənistanda 44 günlük müharibəsini araşdıran istintaq qrupu Qarabağdakı separatçıların keçmiş komandanı Samvel Babayanı dindirib.
Xalqxeber.az xarici KİV-ə istinadən xəbər verir ki, dindirilmə prosesi 3 saat davam edib.
İstintaq prosesindən sonra Babayan bəyanatla çıxış edib. O, qeyd edib ki, separatçıların sonuncu lideri Samvel Şahramanyan ermənilərin qayıtması ilə bağlı Azərbaycan tərəfi ilə danışıqlar aparır: "Əgər ordu komandiri cəbhəyə rəhbərlik etmirsə, onunla birlikdə başqa şəxslər də rəhbərlik edirsə, araşdırma aparılmalıdır, mən adları yox, epizodları, faktları deyirəm. Nikol Paşinyanın günahı ondan ibarətdir ki, o, şəxsən yanlış kadr siyasəti aparıb, yanındakı adamlara inanıb.
İstintaq komitəsinə ekspertizaya dəvət olundum və İctimai Televiziyada verdiyim müsahibəni daha geniş şəkildə danışdım, silah-sursatın təhvil verilməsi, Bakı ilə danışıqlar, sülh müqaviləsinin dağılması ilə bağlı bütün məsələlərdən danışdım".
