Cənubi Koreyada turist avtobusunun qəzaya uğraması nəticəsində bir israilli ölüb, 34 nəfər yaralanıb.
Xalqxeber.az xarici mətbuata istinadən xəbər verir ki, Cənubi Koreyanın cənubunda israilli turistləri daşıyan avtobus aşıb, bir qadın ölüb, 34 nəfər yaralanıb. 33 israilli və iki Cənubi Koreya vətəndaşının (avtobus sürücüsü və bir bələdçi) olduğu tur avtobusu ölkənin cənubundakı Çunqju şəhərində yamacda qəzaya uğrayıb, Koreya mətbuatının verdiyi məlumata görə, 62 yaşlı israilli qadının öldüyü, yaralılardan 7-nin vəziyyətinin ağır olduğu bildirilib. Məlumatda qeyd olunub ki, qəza avtobusun arxaya yuvarlanması nəticəsində baş verib.
Qəzanın dəqiq səbəbləri araşdırılır.
