İstanbulda 5 mərtəbəli bina uçdu - Video

İstanbulun mərkəzində istifadə olunmayan 5 mərtəbəli bina uçub.

Xalqxeber.az “DHA” agentliyinə istinadən xəbər verir ki, Karaköydə yerləşən bina səhər saatlarında qismən uçmağa başlayıb və yerli vaxtla 15:00-da tamamilə uçub. 

Binanın uçma təhlükəsi olduğundan tikilinin yerləşdiyi küçə səhər saatlarından qismən bağlanıb. 

Hadisə nəticəsində xəsarət alan olmayıb. 

Məlumata görə, binanın bərpasına başlanılmasına dair qərar hələ 2015-ci ildə verilsə də, tikilinin sahibi işlərə başlamayıb.