Avstraliya hökuməti Rusiya hərbi-sənaye kompleksi ilə əlaqəli İranın fiziki şəxslərinə və qurumlarına qarşı yeni sanksiyalar paketi elan edib.

Xalqxeber.az xarici mətbuata istinadən xəbər verir ki, qara siyahıya 13 vətəndaş və Rusiya hərbi-sənaye kompleksi ilə əlaqəli bir təşkilat daxildir.

Bildirilir ki, “Paravar Pars” və “Qods Aviation Industries”, eləcə də İran PUA-larını Rusiyaya göndərən “Safiran Airport Services” şirkətlərinin rəhbərləri məhdudlaşdırıcı tədbirlərə məruz qalıblar. Bundan əlavə, Avstraliya Daxili İşlər Nazirliyi İranda çoxsaylı insan haqları pozuntularında iştirak edən daha 14 vətəndaşa və 14 təşkilata qarşı əlavə sanksiyaların tətbiq ediləcəyini bəyan edib. Qara siyahıya düşən şəxslər arasında məmurlar, təhlükəsizlik qüvvələri, məhkəmə və penitensiar sistemlərin əməkdaşları da var.

Qeyd edək ki, martın 20-də Avropa İttifaqı da İrana qarşı altıncı sanksiyalar paketini açıqlayıb.

***

Avstraliya hökuməti İranın bir neçə rəsmisinə və qurumuna sanksiya tətbiq edib.

Bu barədə “Azad İran” Teleqram kanalı məlumat yayıb.

Sanksiyalar İranda insan haqlarının pozulması və Tehranın Ukrayna müharibəsində Rusiyaya dəstək verməsinə görə tətbiq olunub.