"Gələn ilin mart ayında Kremlə daxil olacam, sizləri güllələyəcəm və asacam, alçaqlar və əclaflar!"

RİA Novosti-yə istinadla verdiyimiz məlumata görə, Rusiya Dövlət Dumasında vitse-spiker Serqey Neverov Etika Komissiyasına Jirinovskinin sözlərini araşdırmağı tapşırdıqdan sonra Liberal Demokratlar Partiyasının (LDPR) fraksiyası tam tərkibdə iclas zalını tərk edib.

Bundan əvvəl tribunada çıxış edən LDPR rəhbəri bəzi deputatların Moskva əyalət hökumətini müdafiə etməsindən narazılığını bildirmişdi. O gələn prezident seçkilərində qalib olacağı təqdirdə öz müxaliflərini güllələcəyinə söz verib.

"Gələn ilin mart ayında Kremlə daxil olacam, sizləri güllələyəcəm və asacam, alçaqlar və əclaflar!", - deyə o, Dövlət Dumasının tribunasında çıxışı zamanı deyib.

Serqey Neverov bu çıxışla bağlı narazılığını bildirdikdlən sonra Etika Komissiyasına Vladimir Jirinovskinin çıxışına diqqətlə yanaşmağa çağırıb. LDPR sədri isə buna etiraz olaraq fraksiyasını iclas zalından çıxarıb.